Кыргызстанда жылына 1 миллион тоннадай көмүр казылат

Кыргызстанда жыл сайын 1 миллион тоннадай көмүр казылат, келечекте бул көрсөткүчтү 5-7 миллион тоннага чейин жогорулатса болот. Бул тууралуу Геология жана минералдык ресурстар боюнча мамлекеттик агенттиги билдирет. Маалым болгондой, 2012-жылы өлкөдө 1,1 миллион тонна көмүр казылса, быйыл 900 миң тонна көмүр казылары күтүлүүдө. Ал эми 2014-2015-жылдары 1 миллион 60 тоннадан көмүр казылып турмакчы. Маалыматка ылайык, Кыргызстанга жыл сайын 2-2,5 миллион тонна көмүр талап кылынат.