Баткенде Тажикстандан мыйзамсыз алынып кирген жарым тонна өрдөктүн эти табылды

Жарым тоннадан ашуун өрдөктүн эти өлкөгө мыйзамсыз алынып кирген учурда кармалды. Бул тууралуу Мамлекеттик бажы кызматынын басма сөз кызматынан бүгүн, 14-мартта билдиришти.

Маалыматка ылайык, Баткен облусуна караштуу Дөбө айылында Кыргыз Республикасынын жараны С.У. башкарып бара жаткан Хонда Степвагон үлгүсүндөгү унааны бажы кызматкерлери текшерүүгө алышкан. Анын натыйжасында Тажикстандан тийиштүү документтери жок алынып келе жаткан 560 килограмм өрдөктүн эти табылган.

Ошондой эле маалыматта кармалган товардын жалпы суммасы 134 миң 400 сомду түзөрү, ишти иликтөө үчүн тийиштүү мекемеге өткөрүлүп берилгени айтылат.