Бишкекти 5 жылда өзгөртүүчү башкы план иштелип чыкты

9-апрелде Бишкек шаарын 5 жылда өзгөрүүгө алып келе турган долбоордун планы коомчулукка сунушталат. Бул тууралуу бүгүн, 15-мартта өткөн маалымат жыйын учурунда Бишкек шаардык кеңешинин төрагасынын орун басары Эмил Сыдыков билдирди.

Анын айтуусунда, борборду өзгөртүүгө арналган бул план учурда өтө керек.

"Азыр Бишкекти өнүктүрүүгө арналган план толук иштелип чыкты. 9-апрелде коомчулукка сунушталат. Бул план 2006-жылы мамлекет аркылуу бекитилген, аны ишке ашыруу үчүн бир топ иштер аткарылып жатат", - дейт ал.

Бишкекти өнүктүрүүгө арналган пландын алкагында Мамлекеттик архитектура агенттиги, мэрия, шаардык кеңештин депутаттары жана башка бир нече мекеме иштешүүдө.

Эске салсак, борборду өзгөртүүгө арналган толук план 2006-жылы демилге катары көтөрүлүп, өкмөт тарабынан бекитилген. 2014-жылы тиешелүү мекемелерге планды түзүп, иштеп чыгуу тапшырмасы берилген.