Сузак районунун Акчалуу айылында жер көчкү түшүү коркунучуу байкалды

Сузак районундагы Акчалуу айылында жер көчкү түшүү коркунучунан улам Благовещенка-Кара-Көл жолунун Акчалуу тилкесиндеги жол жабылды. Бул туурасында Сузак райондук мамлекеттик администрациясынын башкы адиси Бекмамат Бактыбеков SUPER.KG порталына билдирди.

"13-мартта өзгөчө кырдаалдарга мониторинг жүргүзүү учурунда Кызыл-Туу айыл өкмөтүнө караштуу Акчалуу айылындагы сайдын сол тарабында узундугу 300 метр, болжолдуу көлөмү 1 жарым миллион кубду түзгөн жаңы жер көчкү пайда болгону билинди. Эгер көчкү түшсө Акчалуу айылын бүтүндөй басып калышы мүмкүн. Мындан улам жергиликтүү эл менен сүйлөшүүлөр жүргүзүлүп, өтө кооптуу жерде жайгашкан 6 үй көчүрүлдү", - деп билдирет Бактыбеков.

Ал эми Кызыл-Туу айыл өкмөтүнө караштуу Кара-Март, Жашасын айылдарына каттоо мүмкүнчүлүгү бар экендигин кошумчалады.