Супер-Инфо
super.kg видео
ЭЛДИК КАБАР: "Ош шаарынын Атабаев көчөсүндөгү аялдаманы көмүр сатуу үчүн пайдаланышат" дейт окурман
"Ош шаарындагы аялдамага маршруттук таксилер токтобойт. Аялдамадагы отургучтарга көмүрдү мүшөктөп жыйып алып сатышат", - деп жазды окурман бүгүн, 16-мартта "Элдик кабар" рубрикасына WhatsApp аркылуу.
"Ош шаарынын Токтобай Атабаев көчөсүнүн баш жагындагы аялдаманын чатыры жок, отургучтары сынып калган. Аялдамага маршруттук таксилер токтобойт. Көмүр саткандар отургучтарга көмүрдү мүшөктөп жыйып алып сатышат. Анысы аз келгенсип көчөнүн баары көмүр базарга айланган. Алар түнү менен унаасын жүргүзүп коюп көмүр түшүргөн учурда айланасында жашагандарга тынчтык жок. Көчөдөн №116 жана №146-маршруттук каттамдар өтөт. Көмүр жүктөлгөн унаалар турган үчүн маршруттук таксилер аялдамага токтобойт. Биз көчө комитетине арызыбыз менен кайрылсак ал үн катпай койду", - дейт окурман.
Ошондой эле окурман "чоңдор" келердин алдында жолдорду тазалап, көмүр саткандарды алдыртып коюшарын, алар кеткенден кийин кайра эле ушул көрүнүш кайталана тургандыгын кошумчалаган.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |