Чемпиондор Лигасынын чейрек финалында "Барселона" "Рома" менен, "Ювентус" "Реал Мадрид" менен ойнойт

Бүгүн, 16-мартта Швейцариянын Ньон шаарында Чемпиондор Лигасынын чейрек финалдык бөлүгүндө командалардын атаандаштары аныкталды.

Чүчү кулактын жыйынтыгында чейрек финалдык баскычта "Барселона" - "Рома", "Ювентус" - "Реал Мадрид", "Ливерпуль" - "Манчестер Сити", "Севилья" - "Бавария" беттештери орун алат.

Чейрек финалдык алгачкы беттештери 3-4-апрелде өтсө, жооптук беттештеп 10-11-апрелде өтөт.

Ал эми Чемпиондор Лигасынын финалы 26-майда Украинанын Киев шаарындагы "Олимпийский" стадионунда орун алат.

Чейрек финалда боло турган беттештер:

"Барселона" (Испания) - "Рома" (Италия);

"Ювентус" (Италия) - "Реал Мадрид" (Испания);

"Ливерпуль" (Англия) - "Манчестер Сити" (Англия);

"Севилья" (Испания) - "Бавария" (Германия).