Парламент вице-премьер-министрликке Токон Мамытовдун талапкерлигин карайт

18-июнда ЖКнын Мыйзамдуулук, укук тартиби жана кылмыштуулук менен күрөшүү боюнча комитети өкмөттүн Ысык-Көл облусундагы ыйгарым укуктуу өкүлү Токон Мамытовдун вице-премьер-министрликке талапкерлигин карайт. Бул тууралуу ЖКнын басма сөз кызматы билдирди. Маалыматка ылайык, анын талапкерлигин премьер-министр Жантөрө Сатыбалдиев киргизген. Маселе күн тартибине киргизилди. Эске сала кетсек, 1-июнда Токон Мамытов өкмөттүн Ысык-Көлдөгү өкүлү болуп дайындалган.