ЖЫЛНААМА, 19-МАРТ: Ырчы, теле алып баруучу Асел Кадырбекова 27 жашка толду

Бүгүн, алып баруучу, ырчы Асел Кадырбекова 27 жашка толду. Ырчыны туулган күнү менен куттуктап байланышканыбызда, SUPER.KG порталына өздүк майрамын бир күн кеч белгилей турганын билдирди.

Ал: "Март айынын аягына чейин аймактарга жеке концертимди коюп жүргөм. Кечээ Сосновкада концертим болгон. Алпаруучу сахнага чыгып 19-март менин туулган күнүм экенин айтканда элдин баары куттукташты. Аябай жагымдуу болду. Туулган күнүмдү бүгүн белгилебейм, бир иш-чарага чакыруу алгам. Буюрса, эртең досторумдун курчоосунда тосом. Буга чейин туулган күнүм үй-бүлөлүк майрам болчу", - дейт.

Ырчы Асел Кадырбекова 1991-жылы 19-мартта Ош облусуна караштуу Кара-Суу районунда төрөлгөн. Ош облусундагы Финансы-юридикалык колледжди аяктап, ОшМУдагы Юридикалык факультетин аяктаган.

16 жашынан тарта шоу-бизнеске аралашып, 2010-жылы "Кыргыз кыздары" деген аталыштагы ыры менен чоң сахнага чыккан. Өткөн жылы Тумар радиосунда ди-джей катары иштей баштаган. Мындан тышкары Асел айым "Сүйүүнүн керемети", "Мандарин" тасмаларында роль жаратып, актриса катары таанымал.

19-мартка карата жылнаама.