Жалал-Абад. Жалал-Абад шаарынын борбордук аянтында «Кымыз» сынагы өтүүдө

Кыргыздын сулуу кыздары келген конокторго кымыз куюп беришүүдө

Иш-чарада алты бакан селкинчек тигилип, улуттук оюндар ойнолду

Ак элечек энелерибиз улуттук каада-салт, нарк-насил жөнүндө айтып беришти

Ар аймактан келген сынак катышуучулары меймандарды тосуп алууга даяр

Сынактын жүрүшүндө улуттук оюндар ойнолду

Сынактын жүрүшү

Сынакка Чаткал району да катышты

Ак элечек энелер, ак калпакчан аталар улуттук каада-салт, нарк-насил жөнүндө кеп улашты

Сынактын жүрүшү

Бүгүн, 15-июнда Жалал-Абад шаарынын борбордук аянтында «Кымыз» сынагы өтүүдө. Облустун аймактарынан коноктор сынакка катышуу үчүн кымыздары менен келишкен. Аталган иш-чарада аймактардан келген таланттардын өнөрлөрү тартууланып, улуттук оюндар менен коштолууда. Өкмөттүн Жалал-Абад облусундагы өкүлү Жусупалы Төрөмаматовдун айтымында, бул майрамга мамлекеттик бюджеттен 100 000 сом бөлүнгөн. "Иш-чаранын максаты - кыргыздын улуттук тамак-ашын, салт-санаасын даңазалоо. Учурда улуттук суусундугубуздун сапаты төмөндөп баратат. Мындай майрам салт катары кабыл алынып, жылына уюштурулмакчы",- деди ал.