Өлкөдө соңку жумада 308 айдоочу мас абалында кармалды

Өлкөдө соңку жумада 308 айдоочу мас абалында кармалды. Бул тууралуу Жол кыймылынын коопсуздугун камсыздоо башкы башкармалыгынын басма сөз кызматынан билдиришти.

Маалыматка ылайык, башкармалык тарабынан 12-марттан 18-мартка чейин республика аймагында жол кырсыктарын алдын алуу жана болтурбоо максатында иш-чаралар жүргүзүлгөн. Анын алкагында 22 миң 312 жолу жол эрежелерин бузуу катталган. Анын ичинен 308 айдоочу мас абалында кармалса, 4 миң 260 айдоочу жол чийиндерине жана белгилерге баш ийбегендиги үчүн, 37 айдоочу унаасынын терезелерин караңгылатып башкаргандыгы үчүн, 3 миң 71 айдоочу өтө ылдам айдагандыгы үчүн кармалышкан.

Андан сырткары, дагы ар кандай жол эрежелерин сактабаган 14 миң 673 айдоочуга административдик протоколдор түзүлүп, 975 унаа айып аянтчасына токтотулган.