ЖЫЛНААМА, 20-МАРТ: "Ырым-жырымга ишенгендиктен туулган күнүмдү белгилебейм" дейт ырчы Назми

Бүгүн эстрада ырчысы Назми 40 жашка толду. Чыгармачылыктагы тыныгуудан кийин сахнага өзгөчө стиль менен кайтып келген ырчы туулган күнүн 21-Март - Нооруз майрамынан кийин белгилей турганын SUPER.KG порталына билдирди.

"40 жашты белгилебейт экен. Үй-бүлөбүз менен ырым-жырымдарга маани берип, ишенебиз. Мындан улам бир күн мурда эле жолдошум, кыздарым туулган күнүм менен куттукташкан. Ал эми туугандарым, жакын санаалаштарым "40ка чыгып жатсаң белгилебей коёсуңбу?" дейт. Жакындарымдын көңүлүн кыя албай Нооруздан кийин чакан кече кылалы дедим", - дейт ырчы.

Ырчы Назми 1978-жылы 20-мартта Ысык-Көл облусундагы Балыкчы шаарында төрөлгөн. Толук аты-жөнү Байзакова Назми Дүйшенбековна. Алгач сахнага "Алдаба" аттуу ырды аткарып чыккан. Ырчы өзүнүн аткаруусундагы "Таарынчаакмын", "Жүрөм сени таппай", "Келчи кайра" деген ырлары менен көпчүлүктүн сүймөнчүгүнө айланган.

Ырчы айым Талант аттуу мырзага турмушка чыгып, 3 кыз, 1 уулду тарбиялап келишет.

20-марттын жылнаамасы.