Нооруздан кийин дагы кар жаайт. Алдыдагы бир аптанын аба ырайы

Кыргызгидрометтин маалыматына караганда, 20-21-22-март күндөрү күндүз жана түнкүсүн өлкө аймагында жаан-чачын күтүлбөйт. Бирок түнкүсүн тоолуу райондордо жолдор тайгак болуп, 22-мартта тоо кыркаларында кар жаашы мүмкүн. Ал эми бул аралыкта түштүк-чыгыштан соккон шамалдын ылдамдыгы секундасына 3-8 метрге жетет.

23-март күнү Чүй, Талас, Баткен, Ош, Жалал-Абад облустарынын көпчүлүк аймактарында, Ысык-Көл, Нарын облустарынын кээ бир райондорунда жаан, тоолуу райондордо кар жаашы күтүлөт. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет. 24-мартта жаан-чачын күтүлбөйт.

Ал эми 25-мартта абанын температурасы жогоруласа, 26-март күнү төмөндөп күндүз көпчүлүк аймактарда жаан, тоолуу райондордо кар жаашы күтүлөт.