Ошто адашып кеткен 3 жаштагы баланын ата-энеси табылды

Ош шаарында адашып кеткен 3 жаштагы баланын ата-энеси табылды. Бул туурасында Ош ШИИБинин басма сөз кызматы билдирди.

Маалыматка ылайык, 3 жаштагы баланын аты-жөнү Мухаммадюсуф Насыров 2015-жылы туулган. Ал 21-март күнү үйүнүн короосуна ойногону чыгып адашып кеткен.

"Мындан улам милиция кызматкерлери тарабынан ата-энеси изделип, анын апасы табылган. Бардык териштирүү иштери болгон соң 3 жаштагы бала ата-энесине өткөрүлүп берилди", - деп билдирет басма сөз кызматынан.

Эске салсак, 21-мартта эртең менен Ош шаарынын Калинин көчөсүндөгү эски тетиктер сатылган базардын жанынан кичинекей бала адашып кетип, жалгыз жүргөн жеринен табылган. Анын ата-энесин издөө аракеттери жүрүп жаткан.