UFC'нин чемпиону Аманда Нуньес: "Валентина Шевченко менен 3-беттеш кызыктырбайт. Ал жөн гана Валентина"

Эрежесиз уруш боюнча эң ири уюм UFC'нин чемпиону Аманда Нуньес Валентина Шевченко менен 3-беттешти өткөргүсү келбей турганын билдирди. Ал жогорку же ылдыйкы салмак категорияга түшө турганын айткан. Бул тууралуу чет элдик басылмалар жазып чыгышты.

Анын айтымында, учурда Шевченко менен 3-беттеш аны кызыктырбайт. "Билесиңерби, ал жөн гана Валентина. Мен мыкты болгондуктан, ал мен жөнүндө айтып турат. Анын мени утуп алууга бардык мүмкүнчүлүктөрү бар болчу, туурабы? Бирок мен аны 2 жолу тең утуп алдым. Шевченко 2-беттешти мыкты өткөргөнү менен титулду жеңе алган жок. Мен азыр Ракель Пеннингтон менен өтө турган беттешке даярдык көрүп жатам. Мындан ары эмне боло турганын айта албайм. Азырынча өз дивизионумда мен эң күчтүүмүн. Мүмкүн эң жеңил салмак категорияга же жарым-жеңил салмак категориясында өзүмдү сынап көрөм. Пеннингтон менен беттеш менин карьерамда эң маанилүү. Мен чемпиондук курумду сактап калышым керек" - деген Нуньес.

Белгилей кетсек, Аманда Нуньес менен Ракель Пеннингтондун беттеши Бразилиянын Рио шаарында 12-майда орун алат.