Супер-Инфо
super.kg видео
ЭЛДИК КАБАР: "Бишкекте көп кабаттуу үйдүн балконунан секиребиз деп жаткан 2 бала куткарылды" дейт окурман
Бишкекте көп кабаттуу үйдүн балконунан секиребиз деп жаткан балдар куткарылды. Маалыматты окурман "Элдик кабарга" WhatsApp аркылуу билдирип, окуяны сүрөткө тартып жөнөттү.
Билдирүүгө ылайык, балдардын секиребиз деп жатканын коңшулары өз убагында байкап калышкан.
"Коңшулар байкап калып, балдарды токтотуп, шаты, аркан табышкан. 2 студент бала аларды балкондон жерге түшүрүшкөн. ӨКМ менен милиция кызматкерлери да өз учурунда келип калды. Алар балдардан "эмнеге балкондон секиребиз" дедиңер деп сураганда "Сырттагы балдардын ойногонун көрүп ойногубуз келди. Ата-энебиз эшикти сыртынан бекитип кетишкен" деп жооп беришти. Балдардын бири 6, экинчиси 3 жашта экен", - деп жазат окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |