Бишкекте маршруттук таксилердин 67 айдоочусуна айып салынды

22-февралдан 24-февралга чейин Бишкек шаардык жол кыймылынын коопсуздугун камсыздоо башкы башкармалыгынын техникалык көзөмөл бөлүмүнүн кызматкерлери маршруттук таксилерге рейд жүргүзгөн. Аталган мекемеден маалымдалгандай, рейддин жыйынтыгында 67 айдоочуга административдик протокол түзүлүп айып салынган.

Рейддин жүрүшүндө маршруттук каттамдарды ишке ашырган ишканалардын ишмердүүлүгү, андагы унаалардын техникалык, санитардык абалы текшерүүгө алынган.

"Маршруттук таксилердин сырткы көрүнүшү, ичинде жүргүнчүлөр үчүн отургучтардын абалы, алардын саны, ошондой эле айдоочулардын жол эрежелерин сактоосу текшерүүгө алынды. Жалпысынан 67 айдоочуга айып салынып, анын ичинен 8 кичи автобустун техникалык абалы начар болгондуктан айып аянтчасына токтотулду", - деп айтылат маалыматта.