UFC уюму менен келишим түзүү алдында турган Кыргыз мушкер Тилек Машрапов 24-мартта АКШда беттеш өткөрөт

UFC уюму менен келишим түзүүнүн алдында турган Кыргыз мушкер Тилек Машрапов 24-мартта АКШда Sparta Combat League уюмунун алкагында беттешке чыгат.

Машрапов Колорадо штатындагы Денвер шаарында жайгашкан "Budweister Event Center" борборунда Энтони Адамс менен беттешет жана бул беттеш менен Тилек Машрапов UFC уюму менен келишим түзүүгө бир кадам жакындайт. Мелдеш Денвердин убактысы боюнча 24-мартта саат 18:00 старт алат.

Айта кетсек, "Жаш-Күч" спорттук клубунун президенти Айбек Мусаев Тилек Машраповдун UFC уюму менен келишим түзүү алдында турганын айткан. Анын айтымында, Машрапов АКШ аймагында 2 беттеш өткөрүп жеңишке жетсе, UFC уюму аны менен келишим түзүүгө даяр экенин билдирген.

Тилек Машрапов профессионалдык карьерасында 10 беттеш өткөрүп, 8 беттеште жеңишке жетип, анын ичинде 4 беттеште атаандашын нокаутка кетирген.

Ал эми Энтони Адамс профессионалдык карьерасында 1 беттеш өткөрүп, калыстардын чечими менен жеңишке жеткен.