Индияда дүйнөдөгү эң чоң эстеликти тургузуу иштери 2018-жылы аягына чыгат

Индияда дүйнөдөгү эң чоң эстеликти тургузуу иштери 2018-жылы аягына чыгат. Эстелик эгемендүүлүк үчүн күрөшкөн индиялык Валлабхаи Пательге арналган.

Эстеликтин жалпы бийиктиги 240 метрге жетет, бул АКШдагы Эркиндик эстелигинен эки эсе жана Кытайда жайгашкан дүйнө жүзүндөгү эң бийик Будданын эстелигинен 54 метрге бийик болот.

Эстелик Гужарат штатынын Вадодара шаарында жайгашкан жасалма көлдө орун алган.

Бул долбоорду "Michael Graves Architecture & Design" компаниясы ишке ашырып жатат.

Курулуш иштери 2014-жылы башталган, ал жакта күнү-түнү дебей 2 миң 400 жумушчу эмгектенет.

2017-жылдын жай айларына чейин эстелик тизесине чейин (54 метр) тургузулган.

Эстеликти тургузуу үчүн 5 миң 700 тонна болот, 18 миң 500 тонна темир арматура, 75 миң куб метр бетон жана 22 миң 500 тонна коло тунуке керектелген.

Бул эстеликтин жалпы баасы 320 миллион долларга бааланган. Индиянын премьер-министри Нарендра Модинин айтымында, бул курулуш Индиянын дүйнөдөгү эл аралык аброюн көтөрүп туристтерди тартууга жардам берет.