"Былтыр адамдарды кыйноого алуу боюнча 17 кылмыш иши козголгон" дейт Нурдин Сулайманов

Былтыр адамдарды кыйноого алуу боюнча 17 кылмыш иши козголгон. Бул тууралуу бүгүн, 27-мартта маалымат жыйында Кыйноолордун алдын алуу боюнча улуттук борборунун директору Нурдин Сулайманов билдирди.

Анын айтымында, аталган борбор менен биргеликте зомбулукка каршы коалициясы сурамжылоо жүргүзгөн. "Сурамжылоонун максаты – канча адам кыйноого алынганы тууралуу так маалымат алуу. 2016-жылы укук коргоо органдары тарабынан кыйноого алынган деп 33 кылмыш иши козголгон. Ал эми 2017-жылы 17 кылмыш иши козголгон. Негизи 2004-жылдан бери 4 эле адам жоопкерчиликке тартылган. Ар кандай иштер менен кыйноого алгандардын иши 3-5 жылга чейин каралбай жатат", - дейт Нурдин Сулайманов.