Жогорку Кеңеште "Кыргызтелеком" ишканасынын ишмердүүлүгүн текшерүүчү жумушчу топ түзүлдү

Бүгүн, 17-июнда ЖКнын Бюджет жана финансы боюнча комитетинде "Кыргызтелеком" ишканасынын ишмердүүлүгүн текшерүүчү жумушчу топ түзүү чечими кабыл алынды. Анын курамына депутаттар Надира Нарматова, Өмүрбек Абдрахманов жана Курманбек Дыйканбаев кирди. Иликтөө жыйынтыгы сентябрь айында угулат. Андан сырткары "Кыргызтелеком" ишканасы боюнча топтолгон материалдарды Башкы прокуратурага жана Эсептөө палатасына текшерүү үчүн жөнөтүү чечими кабыл алынды.