Ош ШИИБи: "Оштун тургуну кытай жараны сабап салды деп арыз менен кайрылды"

Резина бут кийимдерди чыгаруучу цехте иштеген Ош шаарынын тургунун кытай жараны урган. Бул тууралуу Ош ШИИБинин басма сөз кызматы билдирди.

Маалыматка ылайык, Ош шаарынын 1988-жылы туулган тургуну Ш.Г. аталган цехте иштеген. Ал эми аны урган кытай жараны цехтин ээси болгон.

"25-мартта бут кийим чыгарган цехте жабырлануучу менен кытай жаранынын ортосунда уруш чыккан. Мындан улам жабырлануучу тарабынан жазылган арыз "денеге залал келтирүү" катары катталып, соттук-медициналык экспертиза дайындалган. Бүгүнкү күндѳ экспертизанын жыйынтыгы чыга элек. Кытай жарандары ошол эле күнү келип тиешелүү көрсөтмөлөрдү беришкен. Учурда иликтөө иштери уланууда. Соттук медициналык экспертизанын жыйынтыгына жараша кылмыш ишин козгоо же козгобоо маселеси каралат", - деди басма сөз кызматынан.