Лондондо Кыргыз Эл жазуучусу Казат Акматовдун романынын бет ачары болот

20-июнда Лондондо Кыргыз Эл жазуучусу Казат Акматовдун “Эрика Клаустун 13 кадамы” аттуу романынын бет ачары өтөт. Жазуучунун айтымында, чыгарма Кыргызстанга ыктыярчы катары келген норвеж кызынын кайгылуу тагдырына арналган. Романда Нарындын Чет айылынын жашоо тиричилиги, Советтер Союзу жоюлуп кеткенден калган кыргыз-орус чек ара курамы, унутта калган совет жоокерлери, алар түзүп алган неофашисттик башкаруу чагылдырылган. Роман орус тилинде жазылып, 2010-жылы Москвадагы “Элдер достугу” эл аралык адабий журналына басылган.