ТЕСТ: Аскар Акаев кайсы куудулга эки жолу колундагы алтын саатын чечип берген? Алдар Көсө, Куйручуктун чыныгы атын билесизби?

16-кылымдын орто ченине чейин Франция 25-марттан 1-апрелге чейинки аралыкты Жаңы жылдын келиши катары майрамдап, француздар бири-бирине белектерди берип келишкен. 1562-жылы Рим Папасы жаңы календарь кабыл алып, Жаңы жыл майрамы 1-январга которулган. Бирок француздар 1-апрелди майрамдоону токтотушкан эмес. Айрым маалыматтарга караганда, 1-апрелдин күлкү жана аңкоо күнү деп аталып калышына ушул тарыхый бурулуштар себеп болгон.

1-апрель - Күлкү күнүндө Италияда адамдар бири-бирине байкатпай балыктын сүрөтүн чаптайт. Италиялыктар бул күнү таарынычтарды унутуп, бири-бирин тамашага салат.

Кыргыз өлкөсүндө 1-апрелден баштап балдарга жөлөк пул берүү боюнча мыйзам ишке кириши күтүлүүдө.

Жаныбек Алыкулов Аскар Акаевдин эки алтын саатын алган. Акаев Алайда Курманжан датканын 180 жылдыгы өтүп жатканда Алыкуловду атайын боз үйгө чакыртып, өзүн туурап бергенде каткырып күлүп алтындан жасалган кол саатын чечип белек кылган. 10 жылдан кийин дагы бир концертте Акаевди туураганда тунгуч президент сахнага чыгып "бул менин досум" деп экинчи кол саатын чечип берген.

20 жыл мурда көпчүлүккө күлкү тартуулаган, өлбөс "Жалпак жөжө", "Көзү ачык", "Мажит, светти өчүр" тамашаларынын аткаруучусу Манас Бердибеков

Мээрбек Мискенбаев депутат кезинде куудулдар Тынар Курбаналиев менен Рахман Разыковду Апрель баатырларын маскаралаган деп жоопкерчиликке тартууну талап кылган.

2017-жылы 1-апрелде Бишкек шаардык милициясына белгисиз бир адам телефон аркылуу чалып "Салам Алик" конушундагы жеке үйлөрдүн биринде жардыруучу зат коюлган деп тамашага салган. Кийин ал жаранды УКМК кармап камакка алган.

Дүйнө жүзүндө Гелотология деп аталган илим бар. Муну жөнөкөйлөтүп айтканда күлкү терапиясы деп аталат.

1-апрель - Күлкү күнүн германиялыктар "ийгиликсиз жана бактысыз күн" деп эсептейт. Бул күнү немистер жаңы жумуштарга кадам таштабайт.

Португалияда 1-апрель - Күлкү күнүндө достор бири-бирине ун чачып, тамаша кылышат.

Индиялыктар 1-апрелди жаздын келиши катары мүнөздөп, жүзүнө түстүү боёкторду сүртүп майрамдашат.

2013-жылы белгилүү Google интернет түйүнү колдонуучуларына жаңы тиркеме ишке киргенин айткан."Google Nose" деп аталган жаңы тиркеме аркылуу жагымдуу жыттарды искөөгө болот" деп билдирген. Интернет колдонуучулар "Google Nose" баскычын басканда гана бул 1-апрелге арналган тамаша экенин билишкен.

Элдик жөө жомоктордо Алдар Көсөнүн окуясына байланыштуу бир катар күлкүлүү аңгемелер бар. Анын аты ошол коомдордогу аткарган иштерге байланыштуу келип чыккан. Анын чыныгы аты - Чагатай.

Куйкум сөзмөр, олуя, куудул, ырчы Куйручуктун өзүнүн чыныгы аты Кудайберген болгон.