Волейболчу Оңолбек Каныбек уулунун командасы Таиланддын Суперлигасын жеңип алды

Волейбол боюнча Кыргыз курамасынын капитаны Оңолбек Каныбек уулунун командасы Таиланддын Суперлигасын жеңип алды. Бул тууралуу SUPER.KG порталына Кыргыз Республикасынын волейбол федерациясы билдирди.

Кечээ, 1-апрелде Таиланддын Суперлигасынын финалдык беттештери орун алды. Анда Оңолбек Каныбек уулунун "Эйр Форс" командасы "Васакха" командасы менен күч сынашты.

Беттеш 3 партияга созулуп, "Эйр Форс" командасы 3:0 (партиялар боюнча 25:22, 25:12, 25:20) эсеби менен жеңишке жетти. Ал эми Кыргыз курамасынын капитаны Оңолбек Каныбек уулу беттештин мыкты оюнчусу аталды.

Айта кетсек, волейбол боюнча Таиланд чемпиондугунун 2017-2018-жылдын жыйынтыгында 6 команда "Thai-Denmark Super League" мелдешине катышууга мүмкүнчүлүк алган, алардын ичинде Оңолбек Каныбек уулунун командасы "Эйр Форс" дагы болгон.

Эске салсак, Оңол Каныбек уулу командасы менен Таиланд чемпиондугунун күмүш медалынын ээси болгон.