Ичкиликтин айынан кытайлык жаран "Халкка" айланып калган

Ичкиликтин айынан кытайлык жаран "Халкка" айланып калган. Бул тууралуу чет элдик маалымат каражаттары жазып чыгышты.

Белгилүү болгондой, Тан аттуу кытайлык жаран алкоголдук ичимдиктерден көз каранды болуп, сейрек кездешүүчү Маделунг (адамдын моюн, дал жана бел жагындагы май эттеринин өсүүсү) оорусуна чалдыккан.

Тан 13 жашынан баштап 30 жылдын аралыгында күнүнө 1 литр арак ичет. Мындан улам анын ден соолугуна олуттуу зыян келип ооруй баштаган. Алгач анын моюну шиший баштаган, көп убакыт өтпөй арт жагынын моюнунан белине чейинки бөлүгүн дагы шишик баскан.

Дарыгерлер канча жолу ага эскертүү берсе да, Тан ичимдиктен баш тарта алган эмес.

Азыркы тапта оорунун айынан Тандын дем алуусу начарлаган. Дүйнө жүзү боюнча аталган оору менен 400гө жакын адам жабыр тартат, алардын 200гө жакыны кытайлыктар.