Супер-Инфо
super.kg видео
ЭЛДИК КАБАР: "Бишкектеги түшкү абал. Таңкыдан өзгөрүү жок" дейт окурман
Бүгүн, 2-апрелде Бишкек шаарындагы маршруттук таксилердин айдоочулары иш ташташты. Айдоочулардын күтүүсүздөн жасаган бул аракетине шаардын жашоочулары нааразы болушту. Баш калаада жүргүнчүлөрдү автобустар, троллейбустар жана таксилер тейлей баштады.
Окурман түштөгү абалды сүрөткө тартып, "Элдик кабар" рубрикасына бөлүштү.
"Мен Бишкектеги Чыңгыз Айтматов кең көчөсүндөгү аялдамада турам. Биринчи троллейбуска батпай калып, кийинкисин күтүүгө туура келди. Кийинки келген троллейбуска да кире алган жокмун. Бул арада көптөгөн жүргүнчүлөр такси кызматынан пайдаланып жатышты. А менин ага акчам жок болчу, үйгө качан жетерим белгисиз", - деп жазган ал.
Айта кетсек, маршруттук унаалардын айдоочулары бир катар талаптар менен иш ташташкан. Алар эгер бул талаптар аткарылбаса ишке чыкпай тургандыгын айтышууда. Ал эми SUPER.KG порталы Бишкектин маршруттук таксилерсиз көчөлөрүнө бийиктиктен көз салды.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
Форма 700 сом эле экен. ПДДны бузган айдоочуларды да айып пул салып жазалансын.
Ала митингке чыгып, биякта каняа эл жолдо калды.
Таксилер да бутунун манжаларын кошуп оозуна тыгып алды.