Бишкектеги маршруттук таксинин айдоочусу чыгашаларын эсептеп берди

Кечээ, 2-апрелде иш таштаган маршруттук таксинин айдоочулары бийликке бир нече талаптарды койгон. Алар акыркы кездерде негизсиз чыгымга алып келген учурлар, кысымдар көп болуп жатканын айтышкан. SUPER.KG порталы маршруттук таксинин айдоочусунун чыгымдарын сурап билди.

Маршруттук такси айдаган айдоочунун чыгымдары өзүнүн айтуусу боюнча жазылды:

1. Унаанын ижара акысы - айына 24 миң сом (күнүнө 1000 сомдон, 24 күн иштейт);

2. Лицензия 1 жылга 700 сом - айына 58 сом ( 700:12=58);

3. Санэпидемстанция - айына 50 сомдон 100 сомго чейин;

4. Мэрия департаменти, патентке - айына 1500 сом;

5. Күнүнө медициналык кароодон өтүү - айына 900 сом (күнүнө 30 сом);

Күнүнө коротулуусу мүмкүн болгон чыгымдар:

1. Жол эрежесин бузуп кармалса - 200 сомдон 2000 сомго чейин айып (Эгер унаа айып аянтчасына алынып кетсе, 3 000 сомдон кем эмес акчага чыгарылат);

Эми:

1. Камсыздандыруу полиси үчүн: Ар бир отургуч жылына – 136 сом. 15 отургуч болсо жылына – 2040 сомду түзөт.

2. Форма – 750 сом. Сунушталган форманы жылына бир нече жолу алмаштырып турууга туура келет.

Ал эми унаанын бузулган тетиктерин ижарага берген адам менен ортодон бөлүшүп алып оңдошот. Өзүнүн унаасын айдагандар айына ижара төлөшпөйт.