"Электр станциялары" ишканасынын башкы директору УКМК тарабынан кармалды

"Электр станциялары" ишканасынын башкы директору Узак Кыдырбаев УКМК тарабынан кармалды. Ал убактылуу кармоочу жайга киргизилгенин мекеменин басма сөз кызматынан билдиришти.

Маалыматка ылайык, Кыдырбаев кечээ, 3-апрелде кармалган.

"Ал январь айында болгон ЖЭБдеги өндүрүштүк кырсык боюнча кармалды. Учурда тергөө иштери жүрүп жатат", - деди басма сөз катчы.

Маалыматта белгиленгендей, ага Кылмыш-жаза кодексинин 221-беренеси (коммерциялык же башка уюмдардын кызматчыларынын ыйгарым укуктарын кыянаттык менен пайдаланышы) менен кылмыш иши козголгон.

Буга чейин "Электр станциялары" ишканасынын техникалык директору Алмаз Жусупбеков, ишкананын жетекчисинин мурдагы биринчи орун басары Бердибек Боркоев да кармалгандыгы маалымдалган.

Ал эми 30-январда Башкы прокуратура Бишкек жылуулук электр борборундагы өндүрүштүк кырсык боюнча кылмыш ишин козгогон. Бул боюнча Кылмыш-жаза кодексинин 316-беренеси (шалаакылык) менен кылмыш иши козголгону маалымдалган эле.