Бишкекте иш таштаган маршруттук таксилер кайрадан өз нугунда иштей баштады

Бишкекте маршруттук таксилер өз нугунда иштей баштады. Бул тууралуу SUPER.KG порталына Бишкек мэриясынын басма сөз кызматынан билдиришти.

Маалыматка ылайык, кичи автобустардын айдоочулары талаптарын расмий түрдө Бишкек мэриясына кечээ, 3-апрелде беришкен. Алардын талаптарынын ичинен жол кире акысын көтөрүү эми каралат, ал эми камсыздандыруудан сөзсүз түрдө өтүшү керек. Бүгүн, 4-апрелде 2 миң 200дөн ашык маршруттук такси жумушка чыккан.

Буга чейин, 2018-жылдын 1-апрелинен тарта административдик жол эрежесинин 201-пунктуна өзгөртүү кирип, кичи автобустун айдоочуларында камсыздандыруу полиси болушу керек деген жаңы мыйзам кабыл алынганы белгилүү болгон.

Эске салсак, 2-апрелде иш ташташкан маршруттук таксилердин айдоочулары нааразычылыгын билдиришип, бир катар талаптарды коюшкан.