"Курманжан датка" тарыхый тасмасынын 2-этабы июль айында тартылып баштайт

"Курманжан датка" тарыхый тасмасынын 2-этабы июль айында тартылып баштайт. Бул тууралуу “Кыргыз фильм” киностудиясынын басма сөз кызматы билдирди. Маалым болгондой, тасманын 2-бөлүгү Чүй, Ысык-Көл облустарында, Өзбекстандын Букара шаарында жана Орусияда тартылмакчы. “Бул бөлүм - эпикалык драма. Ошондуктан тартуу иштери аябай көп эмгекти талап кылат. 2-этап оор болгондугу үчүн көптөгөн адамдар катышат жана 19-кылымды чагылдырат. Тасма 2013-жылдын аягына чейин бүтөт”,- деп жазылган билдирүүдө.