ӨКМ: "Таласта кафеден чыккан өрттөн 1 адам жаракат алды"

Талас облусунун Талас шаарында кечээ, 4-апрелде "Бермет" кафесинде өрт чыгып, 1 адам жабыркады. Бул тууралуу ӨКМнын басма сөз кызматынан билдиришти.

Маалыматка ылайык, өрт саат 16:31лер чамасында чыгып, кафе толугу менен күйүп кеткен. Өрттүн кесепетинен 28 жаштагы А.Н. аттуу адам жарадар болуп, ага биринчи медициналык жардам көрсөтүлгөн. Өрттүн чыгышына электр жабдууларын пайдаланууда өрт коопсуздугунун эрежеси сакталбагандыгы себеп болгон.

Айта кетсек, буга чейин окурман "Элдик кабар" бөлүмүнө Таласта кафе өрттөнүп кеткенин кабарлаган болчу.