Эртең Хабиб Нурмагомедов чемпиондук титул үчүн Эл Яквинта менен беттешет

Орусиялык мушкер Хабиб Нурмагомедов чемпиондук титул үчүн Эл Яквинта менен беттешет. Бул тууралуу чет элдик маалымат каражаттары жазып чыгышты.

Маалыматка ылайык, 7-апрелде орун ала турган "UFC 223" мелдешинин негизги беттеши Хабиб Нурмагомедов менен Тони Фергюсондун ортосунда болмок. Анда мушкерлер жеңил салмак чениндеги чемпиондук кур үчүн беттешмек. Бирок Тони Фергюсондун жаракат алып калганына байланыштуу чемпиондук кур үчүн Хабиб Нурмагомедов менен Макс Холлоуэй беттешмей болгон.

Бирок беттешке аз калганда UFC уюму Макс Холлоуэй беттешке чыкпай тургандыгын билдиришкен. Көп өтпөй Нурмагомедов чемпиондук титул үчүн октагонго Эл Яквинта менен чыга турганы белгилүү болгон.

Яквинта өзүнүн спорттук карьерасында 16 беттеш өткөргөн. Алардын он үчүндө жеңүүчү аталса, үчүндө жеңилүү ызасын тарткан. Эки мушкердин беттеши 8-апрелде Бишкек убактысы боюнча саат 10:00дө башталат.