ИИМ: "Бишкектеги "Ата-Түрк" сейил багында жарылуучу зат бар деген адам кармалды"

"Бишкектеги "Ата-Түрк" сейил багында жарылуучу зат бар" деп билдирүү берген адам кармалды. Бул тууралуу SUPER.KG порталына Ички иштер министрлигинин басма сөз кызматынан билдиришти.

Маалыматка караганда, 8-апрель күнү саат 17:10 чамасында милицияга "Ата-Түрк" паркында жарылуучу зат бар" деген билдирүү телефон аркылуу белгисиз адам тарабынан түшкөн.

"УКМКнын жана ИИМдин атайын ыкчам тергөө тобу "Ата-Түрк" сейил багын курчоого алып, элдерди эвакуациялаган. Издөө иштеринин натыйжасында, ал жерде эч кандай жарылуучу зат табылган эмес" - деп маалыматта айтылат.

Ошондой эле жалган маалымат тараткан адамды УКМКнын жана ИИМдин ыкчам иликтөө тобу кармады.

"Жалган маалымат тараткан деп Бишкек шаарынын тургуну 44 жаштагы эркек адам кармалды" - деп айтылат маалыматта.

Учурда ИИМ бул ишти УКМКга өткөрүп берген, тергөө иштери уланууда.