ЖКнын жыйынында Садыр Жапаров сөз сүйлөө үчүн 15 мүнөт убакыт сурады

Бүгүн, 19-июнда Жогорку Кеңештин жыйынына катышып жаткан «ата журтчу» депутат Садыр Жапаров камактан бошотулган үч депутаттын ар бирине сөз сүйлөө үчүн 15 мүнөт убакыт сурап, кесиптештер тарабынан колдоого алынды. Ал Камчыбек Ташиев жана Талант Мамытов бир канча убакыттан кийин келип каларын айтып, сөзүн улантты. Ал өзүн жана Камчыбек Ташиев менен Талант Мамытовду актоо боюнча чечим чыгарган Бишкек шаардык коллегиялык сотунун үч судьясына коркутуп-үркүтүүлөр болуп жатканын укканын айтты.