Депутат Турускулов: "Түндүк-Түштүк альтернативдик жолу быйыл бүтөрүнө күмөнүм бар"

"Түндүк-Түштүк альтернативдик жолун курууда иш жакшы жүрбөй жатат", - деди бүгүн, 12-апрелде Жогорку Кеңештин жыйынында "Республика-Ата Журт" фракциясынын лидери Жыргалбек Турускулов.

"Түндүк-Түштүк жолун куруу долбоору 850 миллион долларды түзөт. Бүгүнкү күндө 1-фазасын 140 миллион доллар, 2-фазасына 134 миллион доллар ишке салына элек экен. Өкмөт 3-фазаны да ишке салсаңар жакшы болот эле. Анткени быйыл бюджеттен 100 миллион сом кошумча каражат каралды. Жумгал эли "Жумгал-Кочкор-Арал" жолу 140 чакырым экен, ошону баштап тез арада бүтүрүп берсе деп кайрылып жатышат.

Казармандагы тоннелди казууда аркы бетинен 150 метр, берки бетинен 150 метр казылыптыр. Азыр кыйынчылык жаралып жатат дешүүдө. Түндүк-Түштүк альтернативдик жолу 2014-жылы башталган. 2018-жылы бул долбоор бүтүшү керек. Мен 2018-жылы бул жол бүтөрүнө күмөнүм бар. Акча бар экен, ишти алдыга жылдырыш керек", - дейт Турускулов.