"Аскарбек Шадиевдин дарыланып жатканына 5-6 күн болуп калды" дейт Шадиевдин жардамчысы

Мурдагы вице-премьер-министр, Жогорку Кеңештин депутаты Аскарбек Шадиев Улуттук кардиология жана терапия борборунда дарыланып жатканына 5-6 күн болуп калды. Бул тууралуу 13-апрелде SUPER.KG порталына депутат Аскарбек Шадиевдин жардамчысы Айбек Эрмеков билдирди.

"Аскарбек Алимбаевичтин дарылануусу качан бүтөрү, ооруканадан качан чыгары белгисиз", - деди Эрмеков.

Буга чейин өздүк булактар Аскарбек Шадиев аталган борбордо дарыланып жаткандыгын билдиришкен.

Саламаттыкты сактоо министрлигинин басма сөз кызматы депутаттын абалы тууралуу маалымат берилбей турганын билдиришти.

Айта кетсек, интернетте Аскарбек Шадиев Улуттук коопсуздук мамлекеттик комитетине сурак бергенден кийин ооруканага жатып калгандыгы тууралуу маалымат тараган. Бул боюнча УКМК комментарий бере элек.

Эске салсак, буга чейин 22-мартта Аскарбек Шадиев УКМКга Жогорку Кеңештен 2 миллион сомдун уурдалышына байланыштуу сурак берген. Шадиев 6-апрелде кызматтан кетүү тууралуу арыз жазган.