Ала-Бука районунун Булак-Башы айылына “Казахмыс голд” компаниясы таза суу чыгарып берет

Жалал-Абад облусунун Ала-Бука районундагы “Бозумчак” жез-алтын кенине жакын жайгашкан Кок-Таш айыл округунун Булак-Башы айылына “Казахмыс голд” компаниясы таза суу чыгарып берет. Бул тууралуу бүгүн, 19-июнда аталган айылга болгон пресс-тур учурунда белгилүү болду. Маалыматка ылайык, таза суу чыгаруу үчүн 34 миллион сом жумшалат. Жергиликтүү тургун Даурбек Супаевдин айтымында, жашоочулар мурун булактан суу ичип келишкен. “Бозумчак” кенин иштетүүгө даярдыктар жүрө баштагандыктан булактагы суу дагы кирдеп, калк кир суу иче баштаган. Бирок азыр айылга таза суу чыгаруу үчүн тиешелүү иштер жүргүзүлүүдө”,- деди ал.