Дональд Трамптын ишмердүүлүгүнө сурамжылоого катышкандардын 57 пайызы нааразы экенин билдиришкен

"АКШнын президенти Дональд Трампка америкалык жашоочулардын 57 пайызы нааразы. Акыркы бир ай ичинде эле анын аброю төмөндөп кетти", - деп жазууда чет элдик маалымат булактары.

Маалыматка караганда, Трамптын ишмердүүлүгү боюнча сурамжылоо 8-11-апрель күндөрү телефон чалуу аркылуу жүргүзүлгөн. Ага 900 адам катышкан.

"Сурамжылоого катышкандардын 57 пайызы Дональд Трамптын жүргүзгөн ишмердүүлүгүн колдобой турганын билдиришкен. Ал эми катышуучулардын 4 пайызы ишеничтүү жооп бере албай коюшту. Муну менен катар Трамп АКШнын президенттеринин тарыхында эң терс рейтингди алып келди", - деп жазылат маалыматта.

Айта кетсек, сурамжылоодо азыркы жана мурунку президенттердин ишмердүүлүгүн 0дөн 100гө чейинки баа менен баалашкан. Анда алдыңкы тизмени 3 президент Авраам Линкольн (95,03), Жорж Вашингтон (92,59) жана Франклин Рузвельт (89,9) ээлеген. Ал эми Дональд Трамп 12,34 балл алып, 44-орунга чыккан. Барак Обама 71,13 балл алып, 7-орунга ээ болгон.