Кыргыз мушкерлер бокс боюнча жаштар арасындагы Азия чемпиондугуна катышат

Кыргыз мушкерлер бокс боюнча жаштар арасындагы Азия чемпиондугуна катышат. Бул тууралуу SUPER.KG порталына Кыргыз Республикасынын бокс федерациясынан билдиришти.

Азия чемпиондугу Таиланддын Бангкок шаарында 19-28-апрель аралыгында өтүп, 30 өлкөдөн барган 200дөн ашуун спортчу 20 салмак ченинде күч сынашмакчы. Кыргыз өлкөсүнөн ага машыктыруучу Кенжебек Акелбаевдин баштоосунда 4 спортчу катышат. Ошондой эле аталган мелдеште 2018-жылы Аргентинада өтө турган жаштар арасындагы Олимпиада оюндарына 13 жолдомо ойнотулат. Андан тышкары, 117 мыкты мушкер жаштар арасындагы Дүйнө чемпиондугуна жолдомого ээ болушат.

Кыргыз курама командасынын тизмеси:

60 килограммга чейинки салмак ченинде: Умар Кубанычбек уулу - спорт чеберине талапкер;

64 килограммга чейинки салмак ченинде: Илгиз Матмусаев - спорт чеберине талапкер;

69 килограммга чейинки салмак ченинде: Нурадин Рустамбек уулу - спорт чеберине талапкер;

91 килограммдан жогору салмак ченинде: Ахмед Усупов - спорт чеберине талапкер;

Ага машыктыруучу: Кенжебек Акелбаев.