Каржы министри Ольга Лаврова кесиптик-техникалык окуу жайлардын бюджети көбөйгөнүн айтты

Бүгүн ЖКда КРнын Каржы министри Ольга Лаврова “КРнын 2012-жылга республикалык бюджети жана 2013-2014-жылдарга болжолу жөнүндө" мыйзамга өзгөртүүлөрдү киргизүү тууралуу" мыйзам долбоору менен 2012-жылдагы республикалык бюджеттин чыгаша бөлүгү 3,3 миллиард сомго кыскартылып жатканын айтты. Министрдин айтымында, кыскартуулар негизинен “Ар кандай чыгымдар”, “Иш сапарлар”, “Техникалык жабдуулар”, “Курулмалар” деген беренелер боюнча жүргүзүлүп жатат. Каржы министри кесиптик техникалык окуу жайлардын бюджетинде көбөйтүү болгонун билдирди.