Филиппиндик сүрөтчү короосунда түшкөн сүрөттөрүн фотошоп менен кооздоп, кереметтүү дүйнөгө жетелейт

Филиппиндик сүрөтчү Катрина Ю өзүнүн короосунда түшкөн сүрөттөрүн фотошоптун жардамы менен өзгөчө кооз кылып өзгөртүп, кереметтүү дүйнөнү чагылдырып келет. Ал өзү тууралуу көп маалымат айтууну жактырбастан сүрөт менен жан дүйнөсүнүн абалын түшүндүрүп берүүгө аракет кыла турганын айтып келет. Мындан улам социалдык тармактагы баракчасына жүктөгөн ар бир сүрөтүнүн алдына "Окуяларды сүрөттөр аркылуу баяндайм" деген билдирүү жазып турат.

"Мен кызыктуу окуяларды айтып бергенди жактырам. Бирок соңку учурда бул абалды сүрөттөр аркылуу чагылдырууну адатка айлантып алдым. Эмгектеримдин фотошоптон мурунку жана кийинкисин жарыялап турам. Муну менен адамдын фантазиясында чек жок экендигин далилдегим келет", - дейт ал.