Индияда балдарды зордуктагандарды өлүм жазасына тартуу сунушталууда

Индияда 12 жашка чейинки балдарды зордуктагандарды өлүм жазасына тартуу сунушун өлкөнүн өкмөт башчысы жактырды. Бул тууралуу чет элдик басылмалар жазып чыгышты.

Маалыматка караганда, аталган сунуш мурда кабыл алынган мыйзамга толуктоо катары киргизилет. Учурда аталган мыйзам долбоорун парламент бекитүүсү керек.

"Мыйзамдын жаңы кабыл алынган бөлүктөрүнө ылайык, кылмышкерлерди 20 жылга чейин абакка камоо өкүмү чыгарылат. Ал эми эң катуу жаза катары өмүр бою эркинен ажыратуу же өлүм жазасына тартылат. Эгер зордуктоого бир нече адам катышса, анда алар дароо өлүм жазасына же өмүр бою эркинен ажыратылат", - деп жазылат маалыматта.

Айта кетсек, буга чейин өлүм жазасына тартууну АКШ киргизген. Аталган өлкөнүн Алабама штатында өлүм жазасына тартуу азот менен жүргүзүү сунушталган. Мындай мыйзамды штаттын палатасы колдогону маалыматта кошумчаланат.