Кытайда өрт кырсыгынан 18 адам каза болду

Кытайдын Гуандун провинциясында өрт кырсыгынан 18 адам каза болуп, дагы бешөө жаракат алды. Бул тууралуу чет элдик басылмалар жазып чыгышты.

Маалыматка ылайык, өрт 23-апрелден 24-апрелге караган түнү Цинъюань шаарындагы караоке клубунда жергиликтүү убакыт боюнча саат 00:30дар чамасында (Бишкек убактысы боюнча саат 22:30да) чыккан.

"Окуя болгон жерге өрт өчүрүү кызматы, дарыгерлер жана полиция кызматкерлери келген. Өрт толугу менен жергиликтүү саат боюнча 00:55те өчүрүлүп бүткөн, бирок өрттүн тез өчүрүлгөнүнө карабастан каза болгондордун саны көп болгон", - деп айтылат маалыматта.

Ар кандай жаракат алган 5 адам ооруканага жеткирилген. Өрттүн эмнеден улам келип чыкканы азырынча аныкталган эмес.

Ошондой эле аталган маалыматта бул өрттү кимдир бирөөлөр атайын уюштуруусу мүмкүн экени да айтылат.