Нарында 11-класстын окуучусу уксус ичип, жандандыруу бөлүмүнө жаткырылды

Нарын шаарында 11-класстын окуучусу уксус ичип, облустук оорукананын жандандыруу бөлүмүнө жаткырылды. Бул тууралуу Нарын ОИИБинин басма сөз кызматынан SUPER.KG порталына билдирди.

Маалыматка ылайык, 23-апрелде Нарын ШИИБинин ыкчам-тергөө тобуна Нарын облустук ооруканасынын жандандыруу бөлүмүнөн мектеп окуучусу уксус ичип алгандыгы тууралуу билдирүү келип түшкөн. Анда 2000-жылы туулган М.К. аттуу мектеп окуучусу 22-апрелден 23-апрелге караган түнү уксус ичип, ооруканага болжол менен саат 04:15 чамасында алынып келген.

"Учурда окуучу ооруканада, ал эми бул окуя боюнча Нарын ШИИБи тарабынан териштирүү иштери жүргүзүлүүдө", - деп билдирди басма сөз кызматынан.