Индияда дарыгер бейтаптарды алмаштырып башынан жаракат алган адамдын бутун тешип алган

Индиянын Дели шаарындагы мамлекеттик оорукананын башкы дарыгери оорулууларды алмаштырып башынан жаракат алган адамдын бутун тешип алган. Бул тууралуу чет өлкөлүк басылмалар жазып чыгышкан.

Башынан жаракат алган бейтап автокырсыктан ден соолугуна залал келтирип алган. Дарыгер аны бутуна темир койдурганы келген башка бейтап менен алмаштырып, операция учурунда бутун тешип салган. Оорукана жетекчилиги ката кетирген хирургга мындан ары бирөөнүн көзөмөлүндө гана операция кылууга уруксат берген.

Эске салсак, жакында эле жасалма жол менен боюнда бүтүрүү боюнча канадалык дарыгер кардарларына жашыруун өзүнүн уруктарын салып жүргөнү маалым болгон. Ага каршы 11 бейтап арыз жазган. ДНК-анализдин жыйынтыгында айымдардын балдарынын биологиялык атасы дарыгер экени аныкталган.