Өзбекстанда аял кызганычтан улам өзүн жана 2 баласын өрттөп жиберди

Өзбекстандык 27 жаштагы аял өзүнө жана 2 баласына күйүүчү май чачып, өрттөп жиберди. Өрттөн алган жаракатынан улам 2 баласы ооруканада каза болгон. Бул тууралуу чет өлкөлүк басылмалар жазып чыгышты.

Маалыматка ылайык, Өзбекстандын Сурхан-Дарыя облусунун Навруз кыштагынын С.Т. аттуу тургуну 5 жана 3 жаштагы уулдарына, өзүнө күйүүчү май чачып өрттөп салган. Окуя С.Т. жарандык никеде жашаган күйөөсү менен урушуп кеткенден кийин болгон. Иликтөө иштеринин жыйынтыгында аялы менен күйөөсүнүн ортосунда кызганычтан улам уруш чыккандыгы айтылган.

Балдардын денесинин 100 пайызы күйүп калгандыктан ооруканада каза болушкан. Ал эми С.Т.нын 80 пайыз денеси күйүп, оор абалда ооруканада жатканы айтылат.

Ошондой эле анын жарандык никедеги күйөөсүнүн да 15 пайыз денеси күйүп, дарыланып жатканы маалым болгон. Айыл тургундары С.Т. аттуу аялдын күйөөсү башка аял алам дегенден кийин өзүн жана балдарын өрттөгөнүн айтышкан.