Дзюдо боюнча Кыргыз курама командасы өспүрүмдөр арасындагы Азия чемпиондугуна даярдануу максатында окуу-машыгуу жыйындарын өткөрүүдө

Кыргыз спортчулар дзюдо боюнча өспүрүмдөр арасында Азия чемпиондугуна даярдануу максатында окуу-машыгуу жыйындарын өткөрүүдө. Бул тууралуу SUPER.KG порталына Кыргыз Республикасынын дзюдо федерациясынан билдиришти.

Өспүрүмдөр арасындагы Азия чемпиондугу Ливандын Бейрут шаарында 10-11-май аралыгында өтмөкчү. Ага 17 өлкөдөн 157 спортчунун катышуусу күтүлүүдө. Бул мелдешке ийгиликтүү даярдануу максатында Кыргыз Республикасынын дзюдо боюнча өспүрүмдөр курама командасы окуу-машыгуу жыйындарын өткөрүшөт. Жыйындар Бишкек шаарында 23-апрелден 6-майга чейин өтмөкчү. Жыйындарга ага машыктыруучу Ислам Баялинов 13 спортчуну чакырган.

Кыргыз курама командасынын тизмеси:

50 килограммга чейинки салмак ченинде: Ханболот Ырысбеков, Чыңгызхан Сагыналиев;

55 килограммга чейинки салмак ченинде: Мирсеит Бактыбек уулу, Адилет Аскарбеков;

60 килограммга чейинки салмак ченинде: Султан Жеңишбеков, Данил Адилетов;

66 килограммга чейинки салмак ченинде: Азис Момунов, Элдияр Айбеков;

73 килограммга чейинки салмак ченинде: Нурсалим Иличбек уулу;

81 килограммга чейинки салмак ченинде: Рамазан Нурланбек, Шакир Шакиров;

90 килограммга чейинки салмак ченинде: Анарбек Ишенбаев;

90 килограммдан жогорку салмак ченинде: Сыймык Жапаров;

Машыктыруучу: Эркин Ибрагимов;

Ага машыктыруучу: Ислам Баялинов.