Дзюдо боюнча Кыргыз курама командасы жаштар арасындагы Азия чемпиондугуна даярдануу максатында окуу-машыгуу жыйындарын өткөрүүдө

Кыргыз спортчулар дзюдо боюнча жаштар арасында Азия чемпиондугуна даярдануу максатында окуу-машыгуу жыйындарын өткөрүүдө. Бул тууралуу SUPER.KG порталына Кыргыз Республикасынын дзюдо федерациясынан билдирди.

Жаштар арасындагы Азия чемпиондугу Ливандын Бейрут шаарында 12-13-май аралыгында өтмөкчү. Ага 19 өлкөдөн 166 спортчунун катышуусу күтүлүүдө. Бул мелдешке ийгиликтүү даярдануу максатында Кыргыз Республикасынын дзюдо боюнча жаштар курама командасы окуу-машыгуу жыйындарын өткөрүшөт. Жыйындар Ысык-Көлдө 24-апрелден 7-майга чейин өтмөкчү. Жыйындарга ага машыктыруучу Азамат Жасыбаев 12 спортчуну чакырган.

Кыргыз курама командасынын тизмеси:

55 килограммга чейинки салмак ченинде: Кубаныч Айбек уулу;

60 килограммга чейинки салмак ченинде: Баяман Сагынбай уулу, Дөөлөт Таалайбек уулу;

66 килограммга чейинки салмак ченинде: Эртур Турдубаев, Байбол Саламат уулу, Хамид Сансанза;

73 килограммга чейинки салмак ченинде: Ишен Аманов;

81 килограммга чейинки салмак ченинде: Адиль Мырзаев, Богдан Филиппов;

90 килограммга чейинки салмак ченинде: Умарбек Амиржанов;

100 килограммга чейинки салмак ченинде: Орозбек Алмазбеков;

100 килограммдан жогорку салмак ченинде: Дастан Сарбатов;

Машыктыруучу - Жаркынбек Шамбетов;

Ага машыктыруучу - Азамат Жасыбаев.