Жогорку Кеңеш оппозициялык фракцияларга бөлүнгөн эки комитеттин төрагаларын шайлоодо

Бүгүн, 25-апрелде Жогорку Кеңештин оппозициялык фракцияларына бөлүнгөн эки комитеттин төрагалыгына талапкерлер каралууда.

"Өнүгүү-Прогресс" фракциясы Жогорку Кеңештин Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин төрагалыгына Тынчтыкбек Шайназаровду жана Бюджет жана финансы боюнча комитетинин төрагалыгына Зиядин Жамалдиновдун талапкерлигин сунуштады.

"Ата Мекен" фракциясы Жогорку Кеңештин Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин төрагалыгына Наталья Никитенконун жана Бюджет жана финансы боюнча комитетинин төрагалыгына Эмил Токтошевдин талапкерлигин сунуштаган.

Буга чейин "Республика-Ата Журт" фракциясынан депутаттар аталган эки комитеттин төрагасы болчу. Фракция көпчүлүк коалициянын курамына киргенден кийин оппозициялык фракциялар жетектеген эки комитеттин төрагалары өз ордуларын бошотушкан.