Канадалык жаран мүйүздүү болду

Канадалык жаран атайын жасаткан операциядан кийин мүйүздүү болду. Бул тууралуу чет элдик маалымат каражаттары жазып чыгышты.

Маалыматка ылайык, Ванкувер шаарынын 36 жаштагы тургуну Русс Фокс келбетин өзгөртүү үчүн жүздөн ашуун ар кандай операцияларды жасаткан. Фокстун айтымында, азыркы учурда анын эң чоң жетишкендиги катары жакынкы күндөрү эле жасаткан силикон мүйүздөрү эсептелет.

Өзүнүн денесине ар кандай эксперименттерди жасаганды жакшы көргөн Фокс силикон мүйүздөрдү баш терисинин алдына койдуртуп, андан соң аларды ультрафиолет нурларынын алдында көрүнө турган татуировкалар менен кооздогон. Буга чейин Фокс тилин эки ача кылып кестирген.

"Менин денем - мага чындап тиешелүү болгон зат. Келбетимди өзгөртүү - бул искусство. Мен өзүмдү өнүгүп жаткан технологиялар менен бир сызыкта бара жаткан заманбап өзгөчө адам катары эсептейм", - деп билдирген Фокс.